ترے گلے میں بانہوں کو ڈال رکھتے ہیں

0


ترے گلے میں جو بانہوں کو ڈال رکھتے ہیں
تجھے منانے کا کیسا کمال رکھتے ہیں

تجھے خبر ہے تجھے سوچنے کی خاطر ہم
بہت سے کام مقدر پہ ٹال رکھتے ہیں

کوئی بھی فیصلہ ہم سوچ کر نہیں کرتے
تمھارے نام کا سکہ اچھال رکھتے ہیں

تمھارے بعد یہ عادت سی ہو گئی اپنی
بکھرتے سوکھتے پتے سنبھال رکھتے ہیں

خوشی سی ملتی ہے خود کو اذیتیں دے کر
سو جان بوجھ کے دل کو نڈھال رکھتے ہیں

کبھی کبھی وہ مجھے ہنس کے دیکھ لیتے ہیں

کبھی کبھی مرا بے حد، خیال رکھتے ہیں

تمھارے ہجر میں یہ حال ہو گیا اپنا
کسی کا خط ہو اسے بھی سنبھال رکھتے ہیں

خوشی ملے تو ترے بعد خوش نہیں ہوتے
ہم اپنی آنکھ میں ہر دم ملال رکھتے ہیں

زمانے بھر سے بچا کر وہ اپنے آنچل میں
مرے وجود کے ٹکڑے سنبھال رکھتے ہیں

کچھ اس لیے بھی تو بے حال ہو گئے ہم لوگ
تمھاری یاد کا بے حد خیال رکھتے ہیں

Teray galay main banhon ko dal rkhtay hain
tujhay mnanay ka kesa kamal rkhtay hain

Tujhay khabar hay tujhay sochnay ki khatir hum
Boht say kam muqadar peh dal rkhty hain

Koi bhi faisla hum soch kar nahi krtay
Tumharay naam ka sikka uchal rkhtay hain

Tumharay baad yeh adat c ho gai apni
Bikhartay patay sambhal rkhtay hain

Khushi c milti hay khud ko aziyatain day kar
So
jan boojh kay dil ko nidhal rkhtay hain

Kabhi kabhi wo mujhay hans kay dekh letay hain
Kabhi kabhi mera bay hadd khayal rkhtay hain

Tumharay hijjar main yeh hal ho gya apna
Kisi ka
khatt ho usay bhi smbhal rkhtay hain

Khushi milay to teray baad khush nahi hotay
hum
apni ankh main har dm malal rkhtay hain

Zamanay bhar say bacha kar wo apnay anchal main
Meray wajood kay tukrday sambhal rkhty hain

Kuch is liyay bhi to bay hal ho gaey hm log
Tumhari yad ka bay hadd khayal rkhtay hain







ایک تبصرہ شائع کریں

0تبصرے
ایک تبصرہ شائع کریں (0)