اپنے احساس سے چھو کر مجھے صندل کر دو

0


مجھے صندل کر دو
اپنے احساس سے چھو کر مجھے صندل کر دو
میں کہ صدیوں سے ادھورا ہوں مکمل کر دو

نہ تمہیں ہوش رہے اور نہ مجھے ہوش رہے
اس قدر ٹوٹ کے چاہو ، مجھے پاگل کر دو

تم ہتھیلی کو مرے پیار کی مہندی سے رنگو
اپنی آنکھوں میں مرے نام کا کاجل کر دو

اس کے سائے میں مرے خواب دھک اُٹھیں گے
میرے چہرے پر چمکتا ہوا آنچل کر دو

دُھوپ ہی دُھوپ ہوں مین ٹوٹ کے پرسو مجھ پر
اِس قدر برسو میری رُوح میں جَل تَھل کر دو

جیسے صحراؤں  میں ہر شام ہوا چلتی ہے
اس طرح مجھ میں چلو اور مجھے تَھل کر دو

تم چھپا لو میرا دِل اوٹ میں اپنے دِل کی
اور مجھے میری نگاہوں سے بھی اوجھل کر دو

مسئلہ ہوں تو نگاہیں نہ چُراؤ مُجھ سے
اپنی چاہت سے توجہ سے مجھے حَل کر دو

اپنے غم سے کہو ہر وقت مرے ساتھ رہے
ایک   احسان  کرو  اس  کو   مُسلسل  کر  دو

مجھ پہ چھا جاؤ کسی آگ کی صورت جاناں
اور مری ذات کو سوکھا ہوا جنگل کر دو

ایک تبصرہ شائع کریں

0تبصرے
ایک تبصرہ شائع کریں (0)